عالم من الخبره والخيال والتميز
 
الرئيسية@ليالينا@التسجيلدخول

شاطر | 
 

 هل تواجه او تواجهى مشاكل فى حياتك العاطفية ؟ ادخل هنا وهتلاقى الحل اكيد

اذهب الى الأسفل 
كاتب الموضوعرسالة
ابو صيام
Admin
Admin
avatar

الدلو الماعز
عدد الرسائل : 583
العمر : 26
تاريخ التسجيل : 15/03/2008

مُساهمةموضوع: هل تواجه او تواجهى مشاكل فى حياتك العاطفية ؟ ادخل هنا وهتلاقى الحل اكيد   الأحد مارس 23, 2008 11:48 am

عقبات الحب فى الحياة العاطفية لاول مرة هنتكلم بصراحة " موضوع جاد للمناقشة "


انا عملت التوبك ده لانى زى اى واحد حصلتلى مشاكل وانا مرتبط بالانسانة الى بحبها وفى حاجات حصلت عمر ما حد اتكلم عنها لكن للاسف تقريبا كل المشاكل بين كل اتنين مرتبطين واحدة . بتتغير ساعات اه وساعات لا بس الغالبية العظمى هى هى واحدة مفيش اختلاف وانا لو عليا فى حاجات هحكى عنها وفى ناس حكتلى برضو ولقيتها هى نفس المشاكل ..

نيجى للمشاكل الى بتواجه كل 2 مرتبطين بأجمل قصة حب فى حياتهم
( الكلام على كل المرتبطين جميعا )

اولا : الغيرة المجنونة من البنت للحبيبها : ساعات بتخنق الغيرة ده ممكن تخلى الحبيب يكره حبيبتة فى لحظة من اللحظات انا عارف ان مبدأى غريب والكل هيقولى ان الغيرة مطلوبة من البنت والا ميكونش حب انا معاكوا بس الغيرة لا تكون لدرجة الجنون ولا تكون لدرجة البرود " مع احترامى لكل البنات انا بتكلم على العام " ساعات الغيرة المجنونة ده بتوصل ان الحبيبة بتغير من صاحب حبيبها لان بيقضى معظم وقتة معاه او من اخوات حبيبها سواء البنات او الولاد هتقولوا ان مش بيحصل لا بيحصل وحصلى وحصل لغيرى قبل كده والى هى قلتهولى " انت ليا انا بس محدش هيشاركنى فيك " هل فعلا الغيرة تبقى للدرجادى مع العلم ان تحركاتك لازم هى تعرفها ومين الى بتكلمهم سواء ولاد او بنات وتعرفهم ازاى ومنين حتى لو جارتك لو قلتلها ازيك وهى عرفت او شافتك يبقى يوم مش هيعدى انا اذا كان عليا حصلى الموقف ده شافتنى فى يوم وانا واقف مع جارتى بسلم عليها مش اقولكوا على الى حصل غير ان تقريبا قعدت اسبوع مش بتكلمنى والى اتقلى فى الاخر انت مش بتحترمنى ولما اقولها عادى ده جارتنا تقولى حتى لو اختك انا بغير عليك لدرجة الجنون طبعا مش انكر انى شيلت منها بسبب الموضوع ده بس خلاص كل واحد راح لحالة .

ثانيا : جملة " انا خايفة من اننا مش لبعض فى الاخر ، هل ممكن فى يوم تسيبنى ؟؟ " : طبعا الكلام ده فعلا تقريبا كل البنات بيقولوه لان معنى ان الولد ينهى ارتباطة للبنت ده جرح كبير جدااااااااا للبنت والبنت عمرها ما بتسنى جرحها ومش بيلتئم بسهوله ابداااااااااااا وغير كده انك مرتبط بيها كده تسلية ومش حب وهى تتعلق بيك وتحبك جدااا وللاسف انت فى لحظة من اللحظات تقولها خلاص كل الى بينا انتهى اكتر كلمة كل الى بيحبوا بعض ميتمنوش يسمعوهــــا .

ثالثا : فكرة الانتقام : تقريبا معظم الولاد والبنات جتلهم فكرة الانتقام من الحبيب او الحبيبة لانه او لانها جرحتة او جرحها عشان ترد كرامتها وانا اذا كان عليا فعلا جتلى الفكرة كتير ومازالت مسيطرة عليا خاصة لما افتكر انى اتجرحت ازاى هل تفتكروا انك كرامتك هترجع لما هتنتقم ؟ او تجرح ؟ هنقول اه طيب وبعد كده ايه الى هيحصل ؟ سؤال نفسى الاقى ليه اجابة ؟؟؟؟؟؟؟؟

رابعا : " الخوف من التفكير فى الحبيبة السابقة " : بمعنى ان يكون الحبيب كان مرتبط قبل كده وساب حبيبته وبعدين ارتبط بأنسانة تانية فا يلازم الحبيبة خوف وقلق ان فى لحظة من الحظات ان حبيبها يفتكر حبيبته الى فاتت فا تلاقى على طول الحبيبة تسأله كل فترة و التانية انت لسه بتحبة كذا او بتفتكرها ؟ فا مجرد ان الحبيب افتكر حبه الى فات ده يعتبر خيانة لحبيبتة النقطة ده بتحصل كتيييير واكيد حصلت لحد منكوا .

خامسا : الولاد تتعرف البنات لا : حاجة بتحصل لكل الشباب ان الولد لو اتعرف على بنات حتى لو كلمهم او قابلهم ده عادى بالنسبالة اما حبيبتة لو كلمت زميلها او اتعرفت على حد ده غلط وعيب ومش ينفع اما الولد عادى يكلم الى عاوزة كلمة الشباب المعتادة وانا ساعات كنت بقولها " انا ولد اكلم الى عاوزة " صح ولا لا ؟؟

سادسا : هل ممكن بعد الفراق تتحول العلاقة للصداقة بين الحبيبب و الحبيبة ؟
ساعات بعد ما الحبيب او الحبيبه تنهى العلاقة تقول خلينا صحاب احسن وبالتالى بيفضلوا اصدقاء بس كل واحد بيقى كلامة مع التانى مش زى الاول وبالتالى بيقى اصعب لان الحبيبة و الحبيب بيتعلقوا ببعض اكتر واكتر و الاتنين بيبقوا مش قادرين ينسوا بعض وساعات بيقولوا انهم يرجعوا لبعض ولكن الصداقة ده عمرها ما بتدوم صح ولا لا ؟؟

اهم المشاكل الى بتواجه كل ولد وكل بنوتة :

المشكلة الاولى : حب من طرف واحد : بتحب حد من غير ما يعرف ده بيبقى اكبر عذاب سواء للولد او للبنت بيبقى نفسه او نفسها يحس بيها او يعرف المشكلة ده بتواجه كتير قووووووووى مننا وبتحصلى وبتحصلك ولغاية دلوقتى ملهاش حل ؟ لان البنت بتقول انا كرامتى متسمحش انى اقول لولد انى بحبة ؟ افرض هو مش بيحبنى ؟ افرض هو مش حاسس بيا ؟ افرض هو معتبرنى اختة ؟ وكذلك نفس الكلام على الولد بجد مشلكة كتير مننا بيعانى منها سواء الشباب او البنات تفتكروا ايه حل المشكلة ده ؟ شاركنـــا برأيك ؟

المشكلة التانية : تحول الصداقة الى حب : هى مش مشكلة هى نظرية مجربة وبتحصل مع الدنيا كلها وهى " ان لو ولد وبنت اتعرفوا على بعض وفضلوا صحاب لفترة طويلة تلاقيهم انجذبوا لبعض قوى واتعلقوا ببعض قوى لدرجة انهم بيحبوا بعض بس من غير ما كل واحد فيهم يعرف والحكاية ده حصلت معايا وحصلت لاصحابى وحصلت ليك ولغيرك والمشكلة الكبرى هى المشكلة السابقة الى انا قلت عليها افرض وافرض ؟؟؟ ده اسئلة الولد بيقولها لنفسة وكذلك البنت ؟ ايه رأيك فى الكلام ده صح ولا لا ؟ بيحصل ولا لا ؟

بالمختصر المفيد لكل الكلام الى انا قلتة فوق :-

( 1 ) ايه رأيك فى الغيرة المجنونة من البنت وكذلك برضو من الولد ؟

( 2 ) جملة " انا خايفة من اننا مش لبعض فى الاخر ، هل ممكن فى يوم تسيبنى ؟؟ " ايه رأيك فيها ؟

( 3 ) هل جتلك قبل كده فكرة الانتقام من حبيبك السابق ؟ نفس الكلام للبنت ؟ ايه رأيك فى الكلام ده ؟

( 4 ) الصداقة للولاد عادى ولحبيبتك عيب ؟ ليـــــــــه ؟ ايه السبب ؟ حقوق حبيبتك عليك فين ؟

( 5 ) هل ممكن بعد الفراق تتحول العلاقة للصداقة بين الحبيبب و الحبيبة ؟ رأيك ايه فى الكلام ده ؟

( 6 ) " الخوف من التفكير فى الحبيبة السابقة " حصلك قبل كده الكلام ده ولا لا ؟ الكلام للشباب والبنات

( 7 ) نظرية " الصداقة بين ولد و بنت وبعد ذلك بتنتهى بالحب الصامت " بمعنى الاتنين بيحبوا بعض بس لم يصارحوا بعض ؟ ايه رأيك ؟ حصلك قبل كده ولا لا ؟

( 8 ) حب البنت للولد او الولد للبنت بس من غير مصارحة ؟ " بمعنى حب من طرف واحد ؟ حصلك قبل كده ؟ ايه رأيك فى الكلام ده ؟

ده اسباب بيواجها كل اتنين مرتبطين وغير المرتبطين او حاجة ليها علاقة بكلمة من حرفين " حب " ويمكن فى اسباب تانية انا مش قولتها فا ايه رأيكوا لو نقول ايه المشاكل الى بتواجهنا لو انت مرتبط او مرتبطة ايه المشاكل الى بتواجهك فى علاقتك بحبيبك او حبيبتك ؟ فى التوبك ده انت كل الى عليك تقول مشكلتك واحنا الى علينا نساعدك فى حلها وكمان عشان نتعلم منها ومحدش تحصلة المشكلة ؟

يااااااااااااااارب اكون قدرت اساعد ولو بقدر بسيط من المشاكل ده وحلها وبرضو ليها حلول تانية عندكوا انتوا يا احلى اعضاء . كل عضو دخل التوبك اكيد ليه رأى حتى الى دخل يشوف التوبك ياااااااااااريت يحاول يقولنا رأيه ويساعدنا ولو عندة مشكلة يقولنا واحنا نساعدة ؟

انا بشكر كل عضو ساعد فى حل المشاكل ده او حتى قلنا مشكلة وياااااااارب يقدرنى ويقدر اى عضو تانى انه يساعده ...

اتمنى ان التوبك ينال اعجاب الجميع . تقبلوا ارق تحياتى " مقدرش انساك "
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نجمة المنتدى
نائب المدير
نائب المدير
avatar

عدد الرسائل : 117
الموقع : فى قلب المنتدى
المزاج : راجية رضآآآآآآآآآآ ربى
تاريخ التسجيل : 05/02/2010

مُساهمةموضوع: رد: هل تواجه او تواجهى مشاكل فى حياتك العاطفية ؟ ادخل هنا وهتلاقى الحل اكيد   الأربعاء يونيو 09, 2010 10:41 am

بص بقى يا ابو صيام موضوعك بيجنن كتييييير كتييييير حلو وتسلم يدك الى كتبت الموضوع
وبما انى محبتش قبل كدة وادعولى محبش غير الانسان الى هايكون شريك حياتى بجد
ولكن من تجارب صحابى الى بسمعها وبشوفها منهم هاقولك رأى

( 1 ) ايه رأيك فى الغيرة المجنونة من البنت وكذلك برضو من الولد ؟

انا من النوع الى غيار جدا جدا جدا وبالخصوص على الناس اللى بحبهم اعتقد انى اذا حبيت حدا مش ممكن هاقبل ان يكون لية اصحاب بنات او يكون لية اى علاقة مع واحدة بنت اكتر حاجة يقولها لاى بنت صباح الخير مساء الخير ذى كدة وكمان مش على طول يعنى مش كل مايشوفها يقولها وانا كذالك اذا حبيت حدا مش هاقبل انى يكون لى اصحاب اولاد يعنى اللى هايمشى علية هايمشى عليا بس وبما ان غيارة قوى مش هاقدر اقول رأى فيها لانى منهم

( 2 ) جملة " انا خايفة من اننا مش لبعض فى الاخر ، هل ممكن فى يوم تسيبنى ؟؟ " ايه رأيك فيها ؟

هى جملة دايما البنت تقولها للولد والسبب انها فعلا بتكون خايفة او انها عايزة تسمع كلمة عمرى ياحببتى مارح اكون لحدا غيرك او كلام زى كدة دا رأى

( 3 ) هل جتلك قبل كده فكرة الانتقام من حبيبك السابق ؟ نفس الكلام للبنت ؟ ايه رأيك فى الكلام ده ؟
انا شخصيا ضد الفكرة دى وانا عمرى ماهاقدر اخرح شخص حتى لوكان خرحنى مستحيل اقدر اشوف حدا بيتألم واكون انا السبب مش ممكن
( 4 ) الصداقة للولاد عادى ولحبيبتك عيب ؟ ليـــــــــه ؟ ايه السبب ؟ حقوق حبيبتك عليك فين ؟

المفروض طالما هو بيحبها يبقى الى يمشية عليها يمشى كمان هو علية هى مش تصاحب بنات يبقى انت كمان متصحبش بنات دا رأى
( 5 ) هل ممكن بعد الفراق تتحول العلاقة للصداقة بين الحبيبب و الحبيبة ؟ رأيك ايه فى الكلام ده ؟

ممكن تبقى صداقة اذا كل واحد فيهم حب واحد تانى ولكن اكيد مش هاتكون صداقة بمعنى الكلمة يعنى اكتر من اذايك معتقدش

( 6 ) " الخوف من التفكير فى الحبيبة السابقة " حصلك قبل كده الكلام ده ولا لا ؟ الكلام للشباب والبنات
السؤال للى حبة انا لا

( 7 ) نظرية " الصداقة بين ولد و بنت وبعد ذلك بتنتهى بالحب الصامت " بمعنى الاتنين بيحبوا بعض بس لم يصارحوا بعض ؟ ايه رأيك ؟ حصلك قبل كده ولا لا ؟
اكيد حصلت وبيكون حب جميل جدا لانة بدأ بصداقة والصدأقة شئ جميل قوى

( 8 ) حب البنت للولد او الولد للبنت بس من غير مصارحة ؟ " بمعنى حب من طرف واحد ؟ حصلك قبل كده ؟ ايه رأيك فى الكلام ده ؟
حصلت وبموت لما بشوف بنت تحب واحد وهو مش بيحبها مش بتحمل اشوف حد كدة
تحياتى اليك ابو صيام على الموضوع قمة الروعة وادعولى اذا حبيت حد يكون محبش قبل كدة مثلى
تحياتى منى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
Admin
avatar

الدلو الماعز
عدد الرسائل : 42
العمر : 26
تاريخ التسجيل : 14/03/2008

مُساهمةموضوع: رد: هل تواجه او تواجهى مشاكل فى حياتك العاطفية ؟ ادخل هنا وهتلاقى الحل اكيد   الخميس يونيو 10, 2010 3:41 am

تسلم اديكى يا منى فى مساهمتك فى الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://layalina4u.yoo7.com
 
هل تواجه او تواجهى مشاكل فى حياتك العاطفية ؟ ادخل هنا وهتلاقى الحل اكيد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ليالــينــا :: الاقسام العامه :: القسم العام-
انتقل الى: